Las notificaciones se estan cargando...
Concello de Gondomar atópase asentado na cunca fluvial do Miñor e pola bacía deste río flúen varios regatos que finalmente aportan as súas augas ao río vertebrador do Val Miñor. O río Miñor recolle as augas de varios regachos que baixan da aba oeste do Monte Aloia, coma son o regato Peitieiros, o Touteiras e o Morgadáns. Polo sur conflúe o río Couso e polo norte o río Zamáns que vén desde a parroquia de Vincios. Fórmase así un río Miñor que vai desembocar na parroquia de A Ramallosa, debuxando as lindes entre os concellos de Gondomar e Baiona.
Detalles de la ruta en wikiloc: 15 km y dificultad fácil/ medio.
A nosa camiñata trascorre polo río de Couso ou da Rasa, o regato Peitieiros ou Matalagartos e o río Miñor, pasando baixo densos bosques de galería e a carón de numerosos muíños hidráulicos, por contornas naturais agás nun treito duns 900 metros sobre asfalto ao chisco de comezar, no lugar de A Fraga.
A parte do sendeiro que vai polas avesías beiras do río de Couso fora acondicionada pola Comunidade de Montes da parroquia e neste intre atopámonos cunha pasarela de madeira rota e coma alternativa para cruzar hai un par de troncos que fan as funcións dunha pontella.
